منتديات وكرالعصفور
أهلا وسهلا بك زائرنا الكريم، إذا كانت هذه زيارتك الأولى للمنتدى، فايشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

(( ملاحظة نبحث عن مشرفين للأقسام))


الإدارة.

عرض حياك اكسترا‎

استعرض الموضوع السابق استعرض الموضوع التالي اذهب الى الأسفل

عرض حياك اكسترا‎

مُساهمة من طرف رضاء في الثلاثاء يناير 10, 2012 5:13 am

عرض حياك اكسترا‎














شباب بنات ...السلام عليكم ..... مساكم الله بالخير جميعاً


حبيت اليوم اشاركم بموضوع يخليكم تستفيدون منه بخصومات حلللوووه
توفر عليكم في فواتير الموبايل اللي ارهقت ميزانيتنا وخلت بعضنا على الحديدة l .........
وخاصة النت وما ادراك ما النت، بالنسبة لي انا مشترك في باقة نت بـ 100ريال شهرياً
وما تكفيني (لعب فينا الايفون).........
ودايما نجتمع مع الشباب في كوفي شوب وفي واحد من الشباب دايما ماسك جواله
ويوري الشباب مقاطع على اليوتيوب ويحمل برامج وكل جواله برامج،
وانا احتري لين اروح البيت عشان اشبك على الواي فاي ..
مع اني اعرف انه بخييل جلده ومستحيل يدفع شهرياً 350 قيمة الباقة المفتوحة
والشباب كلهم يسمونه (النمس) لانه دايما يشتري حاجات بأقل سعر
وما يدفع ريال الا مطلع روحه.. خخخخخ....
انا بيني وبين نفسي قلت هالجلده مستحيل يدفع 350ريال اشتراك نت
بس لازم اعرف وش سالفة هالنمس؟؟!!
قلت له: كيف حالك يا صديقيj طالعني بطرف عين وقال: من متى؟ قلت : منذ مبطي
ياصديقي و قهوتك اليوم على حسابي بس علمني وش سالفتك مع النت
شغال عليه 24 ساعة؟ ضحك ضحكه شريرة
وقال: والله اني عارف انك انت بالذات بتسألني يالملقوف لكن اذا حاسبت عن القهوه قلت لك..
أبشرررر على طوووول انا : صددديق كم الحساب؟؟؟؟ حاسبت والتفت عليه قلت علمني،
التفت علي وتكلم بصوت واطي مسوي فيها مهم ههه
وقال: اذا تعرف احد في الاتصالات السعودية ترى يقدر يسوي لك تخفيض 50% على فاتورة جوالك
تصير الباقة المفتوحة أم 350ريال بـ 175ريال
قلت وش بعد؟ قال والرسوم مجانا.. والبلاك بيري بخصم 50% والمكالمات بخصم 50%
وتجوال دولي مجاني و500رسالة مجانا كل شهر..
قلت له أنا رقمي زين مو الاتصالات ولا اعرف احد في الاتصالات l...
قال مو مشكلة اذا رقمك مو على الاتصالات قدم طلب نقل للأتصالات السعودية
وعلى طول يعطونك العرض او اشتري لك رقم جديد من عندهم وخذ العرض
وبالنسبة لمشكلة انك ما تعرف احد محلولة..
قلت: كيف بتتوسط لي؟ j قال: لا... صح هو العرض خاص بموظفين الاتصالات
لكن رح لمكتب الاتصالات ترى موظفينهم حبيبين وما يدققون..
قلهم ابي انقل رقمي لكم بس بشرط تعطوني (عرض حياك) قلت وشو عرض حياك
قال الخصومات اللي من اليوم اشرح لك عنها اسمها عرض حياك حق الموظفين..
المهم اشرط على الموظف قله ابي انقل رقمي بس بشرط تعطيني عرض حياك
و صدقني ماراح يقول لا. وعلى طووول انا قلت سلام يا شباب لازم اروح البيت
وفي الحقيقة انا رايح لمكتب الاتصالات السعودية اللي في طريق الملك فهد
ابي اتاكد من كلام النمس، جيت للموظف وقلت له ابي انقل رقمي وابغى عرض حياك
ووالله ما سألني تعرف احد في الاتصالات ولا شي قال أوكي
وسوا لي طلب وعطاني شريحة جديدة وقال لي سدد المبالغ اللي عليك عند زين
وعطاني شريحة الاتصالات السعودية وفعلا من بكره اشتغلت الشريحة الجديدة
وبديت استفيد من الخصم وقلت الله يجزاك خير يالنمس
مع اني دايما اقول الله ياخذك يالنمس خخخخخخ امزح....
وراح لهم ابوي معه اخوي الصغير وطلع له رقم حليو بنفس الطريقة
قالهم ابي اشتري رقم جديد بس تعطوني خصم حياك واخذ الخصم حق حياك
وقهرني صار رقمه احلى من رقمي المشخبط - 059762 بدايته تجيب الهم-وقام يشخص علي..
هذا كل اللي صار وحبيت ابلغكم باللي صار معي
وما ابي منكم الا انكم تدعون لي ان الله يوفقني ويجزاني وياكم كل خيررر j .....
ولكم مني كل الود....

رضاء

عضو نشيط
عضو نشيط

ذكر عدد المساهمات : 226
POINT : 1622000
تاريخ الميلاد : 01/01/1980
تاريخ التسجيل : 08/07/2010
العمر : 36
هوايتك/عملك المفضل : الرياضه
المزاج : شاي

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى