~¤®§( تبي تفتح حساب للـ Ps3 او تحدث النظام ... تعال هنا )§®¤~

من طرف **Hamody.cool** الخميس أكتوبر 15, 2009 3:20 pm

السلام عليكم وحمة الله وبركاته

كيف حالكم يا إقلاعيين وحياكم الله في هذا الموضوع

طبعا من العنوان معظمكم فهم ان الموضوع عن طريقة فتح الحساب او الـ I.D الخاص بالبلاي ستيشن 3 وكذلك طرق تحديث النظام لان هذولا الشيئين مهمين وخصوصا للمبتدئين مع الجهاز
واللي خلاني اكتب هذا الموضوع منفرد هو كثرة السؤال عن فتح الحساب خصوصا ان موضوع البلاي ستيشن 3 صار كبير وكثرت صفحاته

على العموم نبدأ الموضوع بطريقة فتح الحساب

الحساب على شبكة البلاي ستيشن 3 سهل عمله وطبعا مجاني وبمجرد ما تسوي الحساب ما تقدر انك تغير الاسم ولازم انك تسوي حساب مختلف اذا انك تبي تسجل لك إسم ثاني
هذا الحساب راح يكون هو الاسم اللي يعرفونك فيه اصدقائك وكل الي تلعب معاهم على شبكة البلاي ستيشن 3
طبعا فتح الحساب له كثير فوائد للمستخدم واهمها هو الدخول للستور (المتجر) بحيث انك تحمل مقاطع فيديو للألعاب والأفلام الجديده اللي نازله على اقراص Blu-ray وكذلك تحميل المقاطع التجريبيه للألعاب (اللي معظمنا يعرفه بإسم الديمو) وهذا يخليك تجرب اللعبه اللي موجوده قبل ما تفكر تشتريها
وممكن طبعا انك تشتري ألعاب كامله اذا انها موجوده اوتشتري إضافات للألعاب اذا عندك بطاقة فيزا او ماستر كارد
الميزه الأهم بالنسبه للكثير هي القدره على اللعب اون لاين مع أخوياك او ضد أي شخص في العالم يلعب بلاي ستيشن 3

ادري اني غثيتكم بهالمقدمه الطويله بس وصلنا للشرح بالصور

تروح الى ايقونةPLAYSTATION®Network وتختار Sign Up for PLAYSTATION®Network وبعدها اعمل مثل الصور

وتضغط على الخيار الاول Yes

البلد تحط Saudi Arabia لانه الحين في ستور سعودي وهذا بيكون افضل لك اذا عندك بطاقة ماستر كارد او فيزا
اللغه طبعا الانجليزيه
وتحط تاريخ ميلادك (دائما خل تاريخ الميلاد يعطي ان عمرك 18 سنه أو أكثر)
يعني حاليا تاريخ الميلاد 1/10/1990 او أقل يخلي العمر 18 سنه او أكثر

تضغط على الخيار الاول Master Account

تحط ايميلك بشكل صحيح
تحط لك باسورد للحساب
تكرر الباسورد
تختار سؤال
تحط اجابة السؤال
(السؤال طبعا مهم علشان اذا انك نسيت الباسورد حق الحساب)

تختار الاسم حق الحساب على كيفك بس تأكد انه غير مستخدم

اذا مشت الخطوه اللي قبلها هنا يكون عليك انك تحط اسمك الصحيح
اسمك
والاسم الثاني (الوالد او العايله)
وتختار الجنس :ذكر او انثى (هذا الخيار مش الزامي)

هنا عليك انك تحط عنوانك الصحيح في اول خانه
الخانتين الباقي ما عليك منهم
(يمكن تكون في خانات متغيره او غير موجوده اثناء فتحك للحساب السعودي)

هنا اذا كان عندك بطاقة ائتمانيه وتبغى تضيفها للحساب اضغط Yes اذا ما عندك اضغط No

هذي آخر حاجه
هنا عليك انك تختار صوره خاصه بالحساب راح تكون ظاهره للجميع

إنتهينا من موضوع فتح الحساب

-------------------------------------------------------------------------

الحين نروح لموضوع طريقة تحديث النظام

طبعا التحديث له طريقتين وكل واحد يختار اللي تناسبه
الطريق الاولى هي طريقة التحديث من خلال الجهاز

اولا تروح الى أيقونة Settings وتظغط السهم اللي فوق علشان ياخذك الى خيار System Update مثل الصوره

تضغط × وبيجيك خيارين

تختار الخيار الأول Update Via Internet

وبعدها بتجيك مثل هذي الصوره

طبعا X.XX معناها رقم الإصدار اللي موجود للتحديث
تضغط O.K وتخليه يحمل ولما ينتهي تحميل التحديث الجهاز راح يركبه اوتوماتيك ويعيد التشغيل من نفسه

الطريق الثانيه تنفع للناس اللي عندهم إنترنت ضعيف او مايوصل التحميل عندهم بالكامل ويعطيهم رسالة خطأ قبل ما يكتمل ويروح عليهم الوقت

هذي الطريقه تتطلب وحدة تخزين (فلاش ميموري او هارد ديسك على نظام FAT32 او ممكن ذاكرة الجوال للي عندهم فتحات قارئ الذواكرالمتعدده) وكمبيوتر حاسب

اولا عليك انك تسوي مثل الصوره

تركب وحدة التخزين في الكمبيوتر وتسوي مجلد جديد تسميه PS3 وتحط داخله مجلد تسميه UPDATE (لازم الحروف الانجليزيه تكون كلها كبيره يعني Capital)

بعد ما تحمل ملف التحديث تروح وتنسخه الى مجلد UPDATE داخل مجلد PS3 وبعدها تاخذ وحدة التخزين وتركبها في البلاي ستيشن 3 وتسوي مثل طريقة التحديث الأول بس بدال ما تختار Update Via Internet تختار Update Via Storage Media

وبعد ما تضغط عليه راح يعطيك هذي الصوره وفيها رقم التحديث حق الملف

تضغط O.K وراح يبدأ الجهاز بتركيب التحديث وممكن تحذف الملف من وحدة التخزين بعد ما يخلص التحديث
بس مع هذي الطريقه لازم تنتبه لحاجتين
اولا لازم يكون التحديث مناسب لنظام الجهاز يعني تركب التحديث الأمريكي للجهاز الامريكي والاوربي للجهاز الاوروبي
بتسألون كيف تعرفون نوع ملف التحديث قبل تركبونه
بأقول لكم نزلوا التحديث من موقع البلاي ستيشن البريطاني بالنسبه للأجهزه الاوروبيه والموقع الامريكي بالنسبه للأجهزه الامريكيه

ثانيا
قبل ما تركب الملف في وحدة التخزين تأكد من اسم الملف بحيث انه يكون PS3UPDAT.PUP وكل الحروف بالكابيتال (الحروف الكبيره)
لان في إحتمال الجهاز ما يتعرف على ملف التحديث إن ما اكن بهذا الإسم بالضبط

إن شاء الله يكون هذا الموضوع خفيف وسهل عليكم ويكون مرجع للشباب الجدد مع الجهاز

وأي سؤال أنا حاضر باللي أقدر عليه وأكيد باقي الشباب ما راح يقصرون أبدا

---------------------------------------------------------------
هنا راح أحط أي تحديث جديد ينزل للجهاز الاوروبي والامريكي

التحديث رقم 2.5

التحديث الاوروبي

التحديث الامريكي

التحديث الياباني

حجم الملف 130 ميجا

مميزات التحديث

يعتبر هذا التحديث الرسمي الداعم للسماعات الرسمية : التي تدعم البلوتوث والتي ستأتي عبر حزمة مع لعبة SOCOM: U.S. Navy SEALs Confrontation . حيث ستكون هناك جودة صوت عالية الوضوح سواء عند الاستماع أو التحدث , أيضا إضافة مؤشر قوة الصوت ومقدار البطارية المتبقي على الشاشة .
تطوير واجهة التورفي لألعاب Playstation 3 : حيث يجعل هذا التحديث من خاصية مشاركة ومقارنة التروفي مع الأصدقاء أكثر سهولة . فمثلا ستكون قادر على مقارنة مستويات التورفي بينك وبين أصدقائك بحيث يكون هناك نسبة ظاهرة تبين لك كم بقي حتى تصل إلى مستوى صديقك .
حالة الأصدقاء : سيظهر لك مدة الوقت منذ آخر لقاء بينك وبين أصدقائك وهم في حالة Offline ( مشابه لـ xbox360 ) .
الفيديو : سيكون هناك خاصية البحث عن مشهد معين وهي مشابه للخاصية الموجودة في PSP . فبتفعيلك لهذه الخاصية سيعمل PS3 على تقطيع المشاهد بحيث يمكنك الانتقال بينها بسرعة .
سوق PSN : تم إضافة مربع إضافة الأكواد في يمين السوق لجعلها أسهل وخاصة عند رغبتك بوضع أكواد PlayStation Network Cards أو الأكواد الخاصة الأخرى مثل تحميل لعبة تجريبية وغيره .
تعديل خواص حفظ الطاقة : يمكنك الآن أن تجعل جهازك PS3 أو يد التحكم أن تنطفئ بشكل أتوماتيكي بعد فترة من الخمول تحددها أنت .
خاصية التحميل المخفية : يمكنك أن تجعل PS3 ينطفئ تلقائيا بعد انتهاء التحميل , أو بعد أن ينتهي الجهاز من تنصيب أحد الألعاب أو التحديثات .
التقاط الصور داخل اللعبة : ستتاح هذه الخاصية من خلال الألعاب التي تدعمها فقط . حيث تلتقط صورة لأحلى اللحظات واللقطات المثيرة .

سلام